«Qamchiq» dovonida qutqaruvchilar otryadlarining kechayu kunduz navbatchiligi tashkil qilindi

O‘zbekistonning tog‘li hududlarida ob-havo sharoitining yomonlashishi tufayli ko‘chkining yuqori xavfi kuzatilmoqda. Shu sababdan «Qamchiq» dovoni orqali o‘tuvchi A-373 Toshkent-O‘sh trassasida transport harakati xavfsizligini ta'minlash maqsadida qutqaruvchilar otryadlari tunu-kun navbatchilikda turibdi, deb yozmoqda Nuz.uz nashri.

RIA "Novosti"ning O‘zbekiston Favqulodda vaziyatlar vazirligi matbuot xizmatiga tayangan holda xabar berishicha, dovonda yaqin kunlar ichida ko‘chki xavfi kutilmoqda, havo harorati 8-10 daraja sovuqqa qadar tushishi, ko‘rish masofasi esa 50-100 metrgacha qisqarishi mumkin, shamolning tezligi soniyasiga 20 metrgacha ortadi.