1 iyuldan tonirovka bepul bölişi haqida gap-sözlar tarqaldi. IIVda bu haqda ma’lumot yöq

Mass-media fondi raisi Komil Allamjonov ham Özbekistonda oxirgi vaqtlarda yoz haddan ziyod issiq bölayotgani, şu sabab avtomobillar oynasini qoraytirişni bepul qiliş kerakligi, tonirovka uçun tölovlarning bekor qilinişi aslida inson qadrining bir körinişi ekanini ta’kidlagandi.

Allamjonovning uşbu çiqişi jamoatçilik faollari tomonidan iliq kutib olindi. Jumladan, deputat Rasul Kuşerbayev ham bu fikrga qöşilişini ma’lum qildi. «Darhaqiqat tonirovka jinoyat emas, xalq hisobidan, budjetdan tonirovka qildiriş jinoyat. Gap egasini topadi», deb yozgandi u.

Aprel oyida YHXX boşliği örinbosari Erali Bozorov Kun.uz savoliga javoban tonirovka masalasida yengillik berilişi kutilmayotganini ma’lum qilgandi.

Bir yil oldin esa tonirovka narxini kamaytiriş böyiça qaror loyihasi işlab çiqilgani aytilgan, şundan keyin rasmiylar bu mavzuni boşqa kötarmagan edi.

Eslatib ötamiz, ayni paytda Özbekiston fuqarosi bölgan jismoniy şaxslar uçun avtomobil oynalarini qoraytirişga ruxsat oliş tölovi quyidagiça:

• orqa yon oynalar – yiliga 4,5 BHM (1 mln 350 ming söm);
• barça yon oynalar – yiliga 45 BHM (13 mln 500 ming söm).

Ma’muriy javobgarlik töğrisidagi kodeksning 126-moddasiga köra, avtomaşinani ruxsatsiz «tonirovka» qiliş bazaviy hisoblaş miqdorining 25 baravari — 7,5 mln söm miqdorida jarima solişga sabab böladi. Xuddi şunday huquqbuzarlik ma’muriy jazo çorasi qöllanganidan keyin bir yil davomida takror sodir etilgan bölsa, — bazaviy hisoblaş miqdorining 40 baravari — 12 mln miqdorida jarima solişga sabab böladi.