Mamarizo Nurmuratov: valuta kurslari endi bozorda mustaqil shakllanadi

O‘zbekiston Respublikasi Markaziy bankida valuta siyosati bo‘yicha matbuot anjumani bo‘lib o‘tmoqda. Bu haqda Kun.uz muxbiri xabar berdi.

Tadbirda qayd etilishicha, Markaziy bank tomonidan valuta uchun belgilangan 0.5 foizli kurs tebranishi bekor qilindi. 

“Bu farq endi valuta sotuvchilar va sotib oluvchilar tomonidan belgilanishiga qaror qilindi. 0,5 foizli chegirmaning borligi valuta bozori ishtirokchilari manfaati uchun zid, degan qarorga kelindi”, - deya aytib o‘tdi Markaziy bank raisi Mamarizo Nurmuratov.

Bundan oldin, Markaziy bank raisi naqd valuta sotuvi haqida gapirib, jamoat joylaridagi shoxobchalarda bu tizim hali yo‘lga qo‘yilmaganini aytgandi.