12 avgust kuni soat 13:00da Mirzo Ulug‘bek tumani Feruza ko‘chasida ikkita «Lasetti» rusumli avtomobillarning to‘qnashuvi sodir bo‘ldi, deb xabar bermoqda poytaxt IIBB axborot xizmati.
Qayd etilishicha, mashinalar boshqaruvida 35 yoshli A.Tohir va 23 yoshli S.Alisher bo‘lgan. Har ikkovi tan jarohatlari bilan shifoxonaga yotqizilgan.
Ushbu yo‘l transport hodisasiga haydovchilardan birining qayrilib olishda qarama-qarshi tomondan harakatlanayotgan avtomobilga yo‘l bermasligi sabab bo‘lgani taxmin qilinmoqda.