Qoʻshimcha funksionallar
-
Tungi ko‘rinish
O‘zbekiston | 15:21 / 18.07.2023
15642
1 daqiqa o‘qiladi
“Kompromatuzb ishi” yopiq sudda ko‘riladigan bo‘ldi
Bugun, 18 iyul kuni jinoyat ishlari bo‘yicha Shayxontohur tumani sudida “Kompromatuzb ishi” bo‘yicha sud jarayonlari boshlandi. Kun.uz muxbirining xabar berishicha, dastlab ochiq tarzda, OAV vakillari ishtirokida boshlangan protsess, sudlanuvchilardan ayrimlarining iltimosiga ko‘ra, yopiq ko‘riladigan bo‘ldi.
Jinoyat ishi doirasida:
- “O‘zbekneftgaz” AJ matbuot kotibi (sobiq) Siyovush Hoshimov – Jinoyat kodeksining 139-moddasi (tuhmat), 165-moddasi (tovlamachilik), 243-moddasi (jinoiy faoliyatdan olingan daromadlarni legallashtirish) bilan;
- fuqaro Ahmadullo Ahmadjonov – JKning 139- va 165-moddalari bilan;
- Human.uz sayti asoschisi va muharriri Xurshid Daliyev – JKning 139-, 165-, 184- (soliqlar yoki boshqa majburiy to‘lovlarni to‘lashdan bo‘yin tovlash) va 243-moddalari bilan;
- Bandlik va mehnat munosabatlari vazirligi matbuot kotibi (sobiq) Mavjuda Mirzayeva – JKning 113-moddasi (tanosil yoki OIV kasalligi/OITSni tarqatish) va 165-moddasi bilan ayblanmoqda.
Jinoyat ishi hujjatlarida jami 19 nafar jabrlanuvchi qayd etilgan. Ular orasida sobiq bandlik vaziri Nozim Husanov, Tashqi mehnat migratsiyasi agentligining sobiq direktori Afzal Irmatov, Andijon shahar hokimi G‘ofurjon Abdurahmonov ham bor.
Mavzuga oid
17:48
Jismoniy shaxslarga davlat hisobidan yuridik yordam ko‘rsatish tartibi belgilandi
11:25 / 21.11.2024
2024 yilda 30 mingdan ortiq o‘zbekistonliklar tuhmat va haqorat qilgani uchun sudlandi
22:25 / 12.11.2024
Sud Pop tumani hokimining o‘g‘lini qamoqqa qaytardi
10:16 / 12.11.2024