Қўшимча функционаллар
-
Тунги кўриниш
Даштобод темирйўл станцияси бошлиғи пора олган вақтида ушланди
Мазкур мансабдор шахс муқаддам Жиноят кодексининг 169-моддаси (ўғрилик) билан судлангани айтилмоқда.
“Темирйўлинфратузилма” АЖнинг Жиззах вилояти Зомин туманида жойлашган Даштобод станцияси бошлиғи пора олаётганда қўлга олинган.
Маълум қилинишича, Даштобод станцияси бошлиғи салмоқли пул эвазига МЧЖлардан бири томонидан Тожикистондан Ўзбекистонга олиб келинадиган кўмир ортилган 100 та юк вагонни танишлари орқали божхона кўригидан навбатсиз ўтказиб бериш бўйича келишган.
У станцияда юкни тушириш жараёнида вагонлар белгиланган вақтдан ортиқ туриб қолган тақдирда темирйўл жаримасини қўлламаслик ҳамда юк белгиланган вақтда тушириб олингани бўйича ҳужжатни расмийлаштириб бериш эвазига МЧЖ вакилидан ҳар бир вагон учун 100 доллар талаб қилган.
Давлат хавфсизлик хизмати ва Бош прокуратура ҳузуридаги департамент ходимлари ҳамкорлигида ўтказилган тезкор тадбирда станция бошлиғи 40 та вагон учун 4 минг доллар олган вақтида ашёвий далиллар билан ушланган.
Ҳозирда унга нисбатан Жиноят кодексининг 210-моддаси (пора олиш) билан жиноят иши қўзғатилиб, қамоқ эҳтиёт чораси қўлланган.
Қайд этилишича, мазкур мансабдор шахс муқаддам Жиноят кодексининг 169-моддаси (ўғрилик) билан судланган ва ўз хатосидан тўғри хулоса чиқармаган.
Мавзуга оид
21:37 / 20.11.2024
«Хитой-Қирғизистон-Ўзбекистон» темирйўли бўйича музокаралар якуний босқичда – ОАВ
14:48 / 17.11.2024
Фарғонада ИИБ ходимига 3000 доллар пора таклиф қилган шахс қўлга олинди
13:46 / 14.11.2024
Сирдарёда ҳайдовчидан пора олган ЙПХ ходими қамалди
20:33 / 13.11.2024