Қўшимча функционаллар
-
Тунги кўриниш
Аграр университет ҳудудидаги ёнғин юзасидан жиноят иши қўзғатилди
Ёнғин университет биноларига жиддий зарар етказган.
Фото: ИИББ ахборот хизмати
Қибрай туманида жойлашган Тошкент давлат аграр университети ҳудудида содир бўлган ёнғин ҳолати юзасидан Жиноят кодексининг 259-моддаси 2-қисми (Ёнғин хавфсизлиги қоидаларини бузиш) билан жиноят иши қўзғатилиб, тергов ишлари олиб борилмоқда. Бу ҳақда ИИББ ахборот хизмати раҳбари Бобур Тўлаганов хабар берди.
30 сентябр куни Тошкент вилоятининг Қибрай туманида жойлашган Тошкент давлат аграр университети ҳудудида йирик ёнғин содир бўлди. Университет матбуот хизмати ёнғин университет ҳудудидаги Ўрмон хўжалиги агентлиги биносида содир бўлганини маълум қилганди.
«Университет биноларидан бирида содир бўлган деб таъкидланаётган ёнғин айнан Ўрмон хўжалиги агентлиги жойлашган бинонинг том қисмида содир бўлган», — таъкидлади университет матбуот хизмати. Ушбу пост бироз вақтдан кейин университет Telegram-каналидан ўчирилди.
Ўз навбатида, Ўрмон хўжалиги агентлиги ёнғин агентлик биносида содир бўлганини рад этди.
«Ўрмон хўжалиги агентлиги биноси ёниб кетди, дея айрим ижтимоий тармоқларда берилаётган хабарлар ҳақиқатга тўғри келмайди. Тўғри, сув пуркалиши эвазига бинонинг том қисмига қисман зарар етган, лекин бу ҳам айтарли даражада эмас», — дея агентлик изоҳини келтирган ЎзА.
Агентлик биноси катта талафот кўрмагани, ёнғин чиққан университет биноларига эса бирмунча зиён етказилгани қайд этилган.
«Айни пайтда мутахассислар гуруҳи воқеа жойида иш олиб бормоқда. Тез орада ёнғин келиб чиқиш сабаблари, ёнғин асли қаердан бошлангани, етказилган зиён, асл ҳолат ҳақида батафсил маълумот берилади», — дейилади хабарда.
ФВВ матбуот хизматига кўра, 30 сентябр куни соат 20:10 да Тошкент давлат аграр университети ҳудудидаги бинода ёнғин содир бўлаётганлиги тўғрисида ФВБга хабар тушган.
Ёнғин-қутқарув экипажлари соат 20:17 да ҳодиса жойига етиб бориб, ёнғин соат 21:36 да қуршаб олинган ва соат 22:10 да батамом ўчирилган.
Ҳодиса оқибатида тан жароҳати олган ва ҳалок бўлганлар тўғрисида маълумот келиб тушмаган.
Ёнғинни бартараф этиш жараёнини Фавқудодда вазиятлар вазири генерал-майор А.Х.Қўлдошев бевосита жойидан бошқариб борган.
Тавсия этамиз
“Ҳайдовчиларнинг манфаати энг охирги ўринда бўлиши керак” – тезлик “чегирмаси”нинг оширилиши эътирозга сабаб бўлмоқда
Ўзбекистон | 10:45 / 22.03.2025
Путин Россия Одессага даъво қилмаслиги шартини айтган – «Коммерсант»
Жаҳон | 22:26 / 19.03.2025
Қозоғистонда амалдорлар қамоқхоналарга экскурсияга олиб борилмоқда
Жаҳон | 18:16 / 19.03.2025
Трамп: «Украинага босим ўтказишга мажбур бўлгандик»
Жаҳон | 20:53 / 18.03.2025
Сўнгги янгиликлар
-
Россияда айрим мигрантлар патентсиз ишлаш имкониятига эга бўлади
Жаҳон | 20:56
-
Буюк Британия туристик визани расмийлаштириш учун йиғимларни оширади
Жаҳон | 20:38
-
Хитой орбитада сунъий йўлдошлар иштирокида «ҳаво жанглари»ни синовдан ўтказмоқда
Фан-техника | 20:24
-
Улар ниҳоят эркин, аммо улкан тўлов тўлашди — Асад ағдарилгандан сўнг Сурия қандай ҳаёт кечирмоқда?
Жаҳон | 20:23
Мавзуга оид
09:10
Тошкентда туристлар автобуси тутаб кетди
11:09 / 22.03.2025
Тошкентда автомобил ёниб кетди
13:34 / 21.03.2025
Юнусободдаги кўп қаватли уйда ёнғин содир бўлди
23:42 / 19.03.2025
Андижонда «Зил» юк машинаси ёниб кетди
