Қўшимча функционаллар
-
Тунги кўриниш
Тошкентда вилоятликларни ҳақорат қилган қиз қамоққа олинди
Пойтахтнинг Яшнобод туманида яшовчи 21 ёшли қизга ижтимоий тармоқда вилоятликларни ҳақорат қилгани учун маъмурий иш қўзғатилди. У қамоққа олиниб, вақтинчалик сақлаш ҳибсхонасига жойлаштирилган.
Видеодан кадр
Ижтимоий тармоқларда вилоятликларни ҳақорат қилган қиз видеоси тарқалди. Kun.uz манбасининг маълум қилишича, унга нисбатан маъмурий иш қўзғатилган.
Манбага кўра, Яшнобод туманида яшовчи, 2003 йилда туғилган Р.Н. 2024 йилнинг 2 июн куни танишлари билан Яккасарой туманида жойлашган “Seoul Mun” дам олиш масканига бориб, ўзини тасвирга олган ҳолда ҳеч бир сабабсиз вилоятликларни ҳақорат қилган. Сўнгра у видеони ўзининг Instagram’даги саҳифасига жойлаштирган.
Қайд этилишича, ҳолат юзасидан, Яккасарой тумани ИИО ФМБ ходимлари томонидан тезкор-суриштирув ишлари олиб борилган.
Р.Н.нинг содир этган хатти-ҳаракатлари юзасидан Маъмурий жавобгарлик тўғрисидаги кодекснинг тегишли моддалари билан ҳужжатлар расмийлаштирилган. Шунингдек, у Маъмурий жавобгарлик тўғрисидаги кодекснинг 286-моддаси тартибида қамоққа олиниб, вақтинчалик сақлаш ҳибсхонасига жойлаштирилган.
Мавзуга оид
21:58 / 04.11.2024
Сариқ ва қизил рангларда товланаётган Тошкент — фотожамланма
17:42 / 04.11.2024
Хавфсизлик чегарасидан 80 баробар юқори: Лаҳор дунёнинг ҳавоси энг ифлос шаҳарларидан бири
08:10 / 04.11.2024
Тошкентда “Яшил шаҳар” куни ўтказилади
19:25 / 31.10.2024