Қўшимча функционаллар
-
Тунги кўриниш
Сурхондарёда Cobalt светофорнинг қизил чироғида ҳаракатланиб болаларни уриб юборди
Оқибатда 12 ёшли бола оғир тан жароҳати олиб шифохонада вафот этди.
Фото: Видеодан кадр
Сурхондарё вилояти Музработ туманида Cobalt ҳайдовчиси светофорнинг қизил чироғида ҳаракатланиб йўлни кесиб ўтаётган болаларни уриб юборди.
Вилоят ИИБ ЙҲХБ ахборот хизматининг хабар беришича, ҳодиса 2024 йил 17 май куни содир бўлган.
Ҳайдовчи Cobalt билан Музработ тумани "Дарбанд" МФЙ ҳудудида тезликни ошириб, светофорнинг қизил чироғида ҳаракатланган ва йўлнинг ўнг томонидан чап томонига ўтмоқчи бўлган уч нафар болани уриб юборган.
Оқибатда 2012 йилда туғилган Р.М. оғир тан жароҳати олиб шифохонанинг жонлантириш бўлимида вафот этади. Қолган икки нафар вояга етмаган болаларнинг саломатлиги яхши, ҳозирда яшаш хонадонида.
Қайд этилишича, ушбу ҳолат юзасидан Музработ тумани ИИБ тергов гуруҳи томонидан жиноят иши қўзғатилиб, тергов ҳаракатлари олиб борилмоқда.
Ижтимоий тармоқларда тарқалган видеода Cobalt жуда катта тезликда ҳаракатлангани ва ҳайдовчи жароҳатланган болаларга ёрдам бериш ўрнига воқеа жойидан кетиб қолганини кўриш мумкин.
Мавзуга оид
18:11 / 26.11.2024
Сурхондарёда юқори синфлар учун мактаб биноси ҳокимлик айби билан битказилмаяпти
16:15 / 25.09.2024
Музработ туманига янги ҳоким тайинланди
16:23 / 29.07.2024
Волгоград областида йўловчи поезд юк машина билан тўқнашди
15:50 / 27.07.2024