Автобус кунора Тошкент автовокзалидан жўнайди. Чипта нархи - 300 минг сўм.
10 июндан бошлаб Тошкент шаҳридан Қирғизистоннинг Чўлпонота (Иссиқкўл) курорт шаҳригача мавсумий автобус қатновлари бошланади.
Қатновлар ойнинг жуфт кунларида (кунора) Yutong автобусларида амалга оширилади. Автобус соат 15:00 да Тошкент автовокзалидан жўнайди.
Чипта нархи 300 минг сўм этиб белгиланган. Қатновларни Uzautotrans Service МЧЖ амалга оширади, шунингдек, компания мазкур йўналишда буюртма қатновларини ҳам бажаради.
Тошкент-Чўлтонота халқаро автобус йўналишида сафар вақти 20 соат, йўналиш узунлиги 1060 километрни ташкил қилади.