Хитойда 12 киши сув босган кон ичида қолиб кетди

Хитой шимолида жойлашган конни сув босиши оқибатида 12 киши ичкарида қолиб кетди, деб хабар бермоқда «Синьхуа» агентлиги. Воқеа Шаньси провинциясининг Цзиньчэн шаҳрида юз берган.
Ўз навбатида, Shanghai Daily нашрининг ёзишича, Хитой жанубидаги кўчки оқибатида ҳалок бўлганлар сони 23 кишига етган, 7 киши жароҳатланган.
Бицзе шаҳрига яқин қишлоқда содир бўлган кўчки остида 30 киши қолиб кетган, уларни қутқаришга муваффақ бўлинмаган. Қутқарув ишларига 800 дан зиёд аскар ва қутқарувчи сафарбар этилган.