Ироқ пойтахтининг шимолий қисмида кучли портлаш рўй берди. Бу ҳақида Sky News Arabia телеканали хабар берди.
Манбага кўра, худкуш-террорчи Бағдоднинг Ар-Рашидия туманида миналаштирилган автомобилни портлатиб юборган. Жабрланганлар тўғрисида ҳозирча маълумот йўқ.
12 июль куни худди шундай портлаш Ар-Рашидия бозорида амалга оширилган. Бунинг натижасида 9 нафар киши ҳалок бўлди, 30 нафардан ортиғи жароҳат олди.
Араб республикасидаги бирорта экстремистик гуруҳ портлаш учун жавобгарликни ўз зиммасига олгани йўқ.