Тошкент вилояти ИИББ ЙҲХБ ходими, капитан Отабек Ҳакимов Ўрта Чирчиқ туманида хизмат вазифасини бажараётган вақтда йўл-транспорт ҳодисаси оқибатида автомобил каналга тушиб кетганини кўрган.
Машина ичида бўлган икки фуқаро чўкиб кетиш хавфи остида қолган.
Маълум қилинишича, ЙПХ ходими вазиятнинг хавфли эканига қарамай, зудлик билан сувга тушган ва фуқаролардан бирини канал қирғоғига олиб чиқишга муваффақ бўлган.
Тезкор кўрсатилган ёрдам натижасида автомобил ичида бўлган икки фуқаронинг ҳаёти сақлаб қолинган.
Жабрланганларга воқеа жойида биринчи тиббий ёрдам кўрсатилиб, кейинчалик шифохонага етказилган.
Капитан Отабек Ҳакимовнинг ҳаракатлари ички ишлар органлари томонидан эътироф этилди. У хизмат вақтида кўрсатган жасорати учун пул мукофоти ва эсдалик совғаси билан рағбатлантирилди.
