Путин Ўзбекистон халқига ҳамдардлик билдирди

Архив сурат

Россия президенти Владимир Путин Ўзбекистон президенти Ислом Каримовнинг вафоти муносабати билан ҳамдардлик билдирди. Бу ҳақида Кремль сайтидаги телеграммда маълум қилинди.
"Унинг ҳаётдан кўз юмиши - Ўзбекистон халқи, шунингдек Мустақил Давлатлар Ҳамдўстлиги (МДҲ) ҳамда Шанхай Ҳамкорлик Ташкилоти (ШҲТ)даги мамлакатлар учун оғир жудолик бўлди. Ислом Абдуғаниевич энг нуфузли давлат арбоби, ўз мамлакатининг ҳақиқий жонкуяри эди. Замонавий ўзбек давлати тарихининг муҳим босқичлари унинг номи билан боғлиқ", - дейилади телеграммда.
Путин марҳумнинг оиласи ҳамда яқинлари, ҳукумат ва бутун Ўзбекистон халқига чуқур таъзия изҳор этди.

Тайёрлаган: Азиз Қаршиев

#Ислом Каримов #Владимир Путин #ҳамдардлик