Instagram иловадаги хариталардан халос бўлмоқда

Instagram фотосервиси иловадан фойдаланувчининг у ёки бу манзилда олинган кадрлари бўлган харитани олиб ташлай бошлади. Бу ҳақида Mashable маълум қилди.

Баъзи фойдаланувчилар ўтган ҳафтадан буён опциянинг йўқлигидан шикоят қила бошлашди. Яқин орада ўзгаришлар Instagram’нинг барча фойдаланувчиларига тааллуқли бўлади. 
Сервис ходимларининг сўзларига кўра, ушбу функция у қадар машҳур эмасди. Instagram ишлаб чиқарувчилари сервиснинг бошқа, нисбатан устувор имкониятларига диққатни қаратишга қарор қилишди. 
Геотеглар ўз ҳолича қолади. Фойдаланувчиларда сурат геолокациясини белгилаш, кичик харитада шу ернинг ўзида олинган бошқа суратларни кўриш имкони сақланиб қолади.