ХХР THAAD тизимларини Корея яриморолига жойлаштирмасликка чақирмоқда

Хитой раҳбарияти АҚШ ва Жанубий Кореяни минтақа мамлакатларининг Американинг THAAD РҚМ тизимлари хусусида билдираётган хавотирларини жиддий қабул қилишга ва уни жойлаштириш фикридан қайтишга чақирмоқда. ХХР ТИВ расмий вакили Гэн Шуан шундай баёнот берган.

Унинг қайд этишича, Корея Республикасида жойлаштирилиши режалаштирилаётган THAAD РҚМ тизими яриморолнинг ядро қуролидан холи бўлишига, у ерда тинчлик ва барқарорликни қўллаб-қувватлашга ёрдам бермайди. Бундан ташқари, Хитой ташқи сиёсат маҳкамаси вакилининг сўзларига кўра, THAAD тизимини жойлаштириш минтақа мамлакатларининг стратегик манфаатларига зиддир. 

"Хитой жиддий равишда бунга қарши бўлгани боис мамлакатнинг миллий манфаатларини ҳимоя қилиш ва минтақавий стратегик мувозанатни сақлаш учун зарурий чоралар кўради", — деб қўшимча қилган Гэн Шуан.