Қўшимча функционаллар
-
Тунги кўриниш
Эрдўған: АҚШ ИШИДга қурол етказиб бермоқда
Фото: CnnTurk
Туркия президенти Ражаб Тоййиб Эрдўған АҚШ президентлиги учун Демократик партия номзоди Ҳиллари Клинтонни, унинг Суриядаги курд бўлинмаларига қурол беришни маъқуллагани учун танқид қилди.
"Клинтон хоним бундай баёнот бермаслиги керак", - деган Эрдўған маҳаллий суд вакиллари билан Анқара шаҳрида ўтказган учрашувида.
Клинтон 9 октябрь куни Сент-Луис шаҳрида республикачилар номзоди Дональд Трамп билан ўтказган телебаҳсларида Суриядаги Демократик иттифоқ партиясининг бўлинмаларини қуроллантириш фикрини билдирган эди. Анқара маъмурияти бу партияни террорчилик ташкилоти деб ҳисоблайди.
"Террорчилар билан ўйнашиш – олов билан ўйнаш кабидир. Олов бизни айланиб ўтган билан бошқаларни аяб ўтирмайди", - деган Эрдўған.
Туркия етакчиси, шунингдек, АҚШни Демократик иттифоқ ҳамда ИШИДга қурол етказиб бераётганликда айблади.
"АҚШ Суриядаги террорчилик гуруҳларга қурол етказиб бераяпти. Ярмини Демократик иттифоқ партиясига, ярмини ИШИДга тақдим этмоқда", -дея таъкидлаган Туркия раҳбари.
Мавзуга оид
20:19
АҚШ бошчилигидаги коалиция Ироқдаги миссиясини 2025 йилда якунлайди
18:53
АҚШ Давлат котиби Марказий Осиё давлатлари ташқи ишлар вазирлари билан учрашди
13:13
“Мистер ва миссис Огородникофф”: АҚШда ишлаган КГБ жосуслари қандай фош қилинганди?
12:55