Тошкент халқаро аэропортида Samsung Galaxy Note 7 билан боғлиқ эълонлар пайдо бўлди

Тошкент аэропортининг халқаро парвозларни амалга оширувчи терминалидаги рўйхатга олиш ҳудудида янги огоҳлантириш эълонлари пайдо бўлди. Унда, Samsung Galaxy Note 7 смартфони билан боғлиқ эҳтиёт чоралари ҳақида сўз боради. Хусусан бу эълонларни Air Astana авиакомпанияси рейси учун рўйхатдан ўтиш чоғида кўриш мумкин бўлган. Эълонда шундай дейилади:

Парвоз хавфсизлигини таъминлаш мақсадида, Samsung Galaxy Note 7 мобил телефони билан парвоз қилишни режалаштираётган йўловчилар қуйидаги талабларга риоя қилишлари керак:

-  телефон фақат қўл юкида олиб ўтилиши керак
-  телефон парвоз давомида ўчирилган бўлишига ишонч ҳосил қилиш
-  парвоз вақтида телефонни умуман қайта қувватлантирмаслик