Anonymous хакерлари Ассанжнинг интернетини ўчириб қўйган Эквадор ҳукуматидан қасос олишди

Фото: AFP

Anonymous ташкилоти хакерлари WikiLeaks сайтининг ташкилотчиси ва бош муҳаррири Жулиан Ассанжнинг интернетини ўчириб қўйган Эквадор ҳукуматининг электорон почта хизматига зарба берди.

«Интернетни ўчирсангиз — биз сизнинг алоқа манбаингизни ўчирамиз», — деган Anonymous Twitter’да.

Твитда Эквадор ҳукуматининг почта хизмати ишламаётгани акс этган сурат илова қилинган.

Бундан олдинроқ WikiLeaks 15 октябрь куни Эквадорнинг Лондондаги элчихонасида турган Ассанж интернетдан узилиб қолгани, бу Жон Керрининг сўрови асосида Эквадор ҳукумати томонидан амалга оширилгани ҳақида хабар қилганди.

Кўп ўтмасдан Эквадор ҳукумати Ассанжга интернетга киришни чеклаб қўйганини тан олди.