Никарагуа президенти АҚШнинг Кубага қарши блокадасини инсониятга қарши жиноят сифатида баҳолади

Никарагуа президенти Даниэль Ортега маълум қилдики, АҚШнинг Кубани блокада қилиш бўйича юритган сиёсати Ҳаага судида кўриб чиқилиши керак. Бу ҳақда РИА «Новости» хабар берди.

«Бу блокада айнан инсониятга қарши жиноятдир, бу ишни Халқаро жиноий судда кўриб чиқиш керак», — деган Ортега Куба инқилоби етакчиси Фидель Кастро билан Ҳаванадаги хайрлашув маросими вақтида қилган чиқишида.

Бундан аввалроқ, АҚШ илк марта Куба блокадасини бекор қилиш бўйича резолюцияга қарши овоз бермагани маълум бўлганди.