Янги Samsung Galaxy C7 Pro смартфони сурати тарқалди

Samsung компанияси 2017 йилнинг бошида янги Galaxy C Pro смартфонларини тақдим этишни режалаштирмоқда. “Ўртача” модель бўлган Galaxy C7 Pro’нинг суратлари тармоқда пайдо бўлди, деб хабар берди GSMArena.

Samsung Galaxy C7 Pro компания ассортиментида ўртача хусусиятга эга бўлган модель ўрнини эгаллаши кутилмоқда. У афтидан январда тақдим этилади. Нархлар борасидаги маълумотлар ҳам ҳозирча ошкор этилмаган.

Хабарларга кўра, Galaxy C7 Pro 5,7 дюймли, Full HD экранига эга бўлиб, оператив хотираси 4 ГБ’ни ташкил қилади. Ускунанинг асосий камераси – 16 МП, доимий хотираси эса 64 ГБ’га тенг бўлиши кутилмоқда.