АҚШ Ал-Бағдодий ҳақидаги маълумот учун мукофот пулини оширди

АҚШ Давлат департаменти ИШИД етакчиси Абу Бакр ал-Бағдодийнинг жойлашган ўрни ҳақидаги маълумотга ваъда қилган мукофот пулини 25 млн долларгача оширди, деб хабар берилмоқда Давлат департаменти сайтида.   

"Бу аввал, 2011 йил октябрида эълон қилинган 10 млн доллар мукофот пулидан анчагина каттадир", деб айтилган хабарда.

АҚШ Давлат департаменти бундай катта пулни ИШИД етакчисининг "топилиши, ҳибсга олиниши ёки судланишига олиб келувчи" маълумотлар учун тўлашга тайёр.