Тожикистон Коммунистик партияси раҳбари, мамлакат парламентининг собиқ депутати Исмоил Талбаков 62 ёшида вафот этган. Бу ҳақда Avesta агентлиги хабар қилмоқда.
Сиёсатчининг яқинлари маълум қилишича, Талбаков ҳеч қандай хасталикдан азият чекмаган. У ўлимидан аввал бош оғриғидан шикоят қилган ва бехосдан вафот этган.
Талбаков шу йилнинг июнь ойида мамлакат парламентига депутат сифатида сайланган эди. У 1983 йилда сиёсатга кириб келган. 2006 йилда коммунистлар томонидан мамлакат президентлигига номзод сифатида кўрсатилган.
Сёсатчи пойтахтдаги Сари Осиё қабристонига дафн этилиши хабар қилинмоқда.