Фото: twitter.com/SpaceX
8 январь куни SpaceX компаниясининг ҳалокатдан кейинги биринчи Falcon 9 ракета-ташувчисига старт берилади. Бу ҳақида SpaceX хабарида маълум қилинган.
"SpaceX 8 январда Iridium NEXT сунъий йўлдошини ишга тушириб, Ванденберг космодромида парвозларни қайта тиклашни режалаштирмоқда", - дейилади компания хабарида.
Шунингдек SpaceX'да сентябрь ойида рўй берган ҳалокатни ўрганиш ишлари якунига етгани ҳақида маълум қилишди. Унга юқори босим остидаги баллонлардан биридаги носозлик сабаб бўлган деб топилди.
