Россияда ёққан кучли қор туфайли Ижевскда жойлашган 4 қаватли уйлардан бирининг томи ўпирилиб тушди. Бу ҳақда РИА Новости республика фавқулодда вазиятлар хизматига асосланиб хабар берган.
Уйлардан бирининг томи ўпирилиши туфайли 33 киши истиқомат қиладиган 8 квартирада иссиқлик таъминоти узилган.
Кейинроқ иссиқлик таъминоти тикланган. Кун давомида томнинг зарарланган қисмини таъмирлаш ишлари олиб борилиши режалаштирилган.
