Видео: Россияда метеорит тушиши тасвирга олинди

Россиянинг Архангельск вилоятида истиқомат қилувчи фуқаро автомобиль йўлларидан бирида минтақа ҳудудига тушган метеоритни тасвирга туширди. Бу ҳақда FlashNord хабар бермоқда.

Нашрнинг ёзишича, метеоритнинг тушгани расмий маҳкамалар томонидан ҳозирча тасдиқланмаган.

РФ Фавқулодда вазиятлар вазирлигидаги вакил эса ер юзасида вайроналар ва жабрланганлар йўқ эканини хабар қилди.

Poliksal нашрининг таъкидлашича, Архангельск вилояти аҳолиси минтақа узра осмонда метеорит ёмғирига гувоҳ бўлишган. Шунингдек, ҳудудда яна бир неча метеорит тушгани ҳам маълум қилинди.