Дональд Трамп АҚШ президенти сифатида Оқ уйга келди

фото: AP

АҚШнинг ўз ваколатларини бажаришга киришган янги президенти Дональд Трамп Америка етакчиларининг бош қароргоҳи – Вашингтон шаҳридаги Оқ уйга етиб келди.

Оқ уй Трампнинг масофа жиҳатидан яқин, аммо вақт ўлчовида узоққа чўзилган сайрининг сўнгги манзили бўлди. Дастлаб у Капитолий тепалагидаги Конгресс биноси майдонида тантанали қасамёд қилди, сўнгра бир неча фармонларни имзолади ва тантанали қабул маросимида қатнашди.

АҚШ президенти кортежи Оқ уйга боришда анъанавий парадни бошқарган. Трамп рафиқаси Мелания билан одамларни олқишлаш учун бир неча маротаба зирхли машинадан чиқишган.