Оқ уй сайтидан Обама вақтидаги маълумотлар ўчириб ташланди
АҚШнинг 45-президенти Дональд Трамп инаугурациясидан кейин президентнинг расмий сайтидан Барак Обама президентлиги вақтида чоп этилган маълумотлар ўчириб ташланди.
Трамп 20 январда маҳаллий вақт билан соат 12.00да ўз лавозимига киришди ва бир неча дақиқадан кейин Оқ уй сайтида янги маъмуриятнинг ташқи сиёсат, энергетика, мудофаа, ҳуқуқ-тартибот, иқтисодиёт соҳаларидаги ҳаракатлар дастури пайдо бўлди.
Бир вақтнинг ўзида сайтнинг барча қолган бўлимлари ҳам янгиланди, сайтнинг структураси ва стили аввалгидек қолди. Бўлимларнинг аксариятида ҳозирча ҳеч қандай маълумот йўқ, бироқ уларда Трамп ва вице-президент Майк Пенс ва уларнинг рафиқалари ҳақида маълумот чоп этилган.
Обама раҳбарлиги вақтидаги маълумотлар билан бирга экологияни ҳимоя қилиш ва жинсий озчиликлар масалаларига бағишланган бўлимлар ҳам ўчириб ташланган.
Трамп аввалги нутқларида иқлимнинг ўзгариши билан курашиш дастурлари ҳақида гумон билан гапирган.
Мавзуга оид
15:50 / 21.08.2024
«Бу кинони олдин ҳам кўрганмиз». Обама Трампнинг иккинчи муддати хавфидан огоҳлантирди
14:59 / 26.07.2024
Барак Обама сайловда Камала Ҳаррисни қўллашини маълум қилди
09:34 / 19.07.2024
WP: Обама Байденнинг сайловдаги имкониятлари пасайган деган фикрда
23:23 / 23.06.2023