Рекс Тиллерсон Оқ уйнинг Овал хонасида қасамёд келтирди ва АҚШ давлат котиби лавозимини бажаришга киришди. Ушбу маросимдан олинган суратлар Оқ уй матбуот котиби Шон Спайсернинг твиттерида чоп этилди. Бу ҳақда Reuters ахборот агентлиги хабар бермоқда.
"Бу президентга хизмат қилар эканман, мен америка халқига ҳам барча замонларда хизмат қиламан", деб қасамёд келтирган Тиллерсон.
АҚШнинг янги давлат котибидан қасамёдни вице-президент Майкл Пенс қабул қилиб олган. Маросимда шунингдек АҚШ президенти Дональд Трамп ҳам иштирок этган.