Қўшимча функционаллар
-
Тунги кўриниш
Олмаота ва Тошкент ўртасида тезюрар поездлар қатнови йўлга қўйилиши мумкин
23 февраль куни Тошкент шаҳрида бўлиб ўтган 16-Ҳукуматлараро йиғилишда Очилбой Раматов Ўзбекистоннинг Қозоғистон билан алоқаларни ривожлантиришдаги асосий йўналишлардан бири транспорт-транзит тизими эканлигини алоҳида қайд этди.
"Биз бу йўналишда бугунги Ҳукуматлараро йиғилиш доирасида дўстлик транзитида ўзаро манфаатли, имтиёзли шароитларни яратишга келишиб олишни мақсад қилганмиз", - деди О.Раматов.
"Кун" мухбирининг хабар беришича, Ўзбекистон Қозоғистон ҳудудига оптик толалар, мева ва сабзавотлар, минерал ўғитлар, рангли металлар, тўқимачилик маҳсулотларини етказиш таклифини берди. Ўз ўрнида, Қозоғистондан дон маҳсулотларини қабул қилиш имконини кўриб чиқилиши қайд этилди.
О.Раматов яқин вақт ичида Тошкент-Самарқанд йўналишини Қозоғистоннинг Мактаарал тумани орқали боғловчи М-39 автойўлини очиш бўйича келишувга эришишга умид билдирди. Шунингдек Қозоғистон томоннинг транспорт соҳасидаги янги таклифларини, хусусан, Олмаота-Тошкент ўртасида тезюрар поездлар ва автобусларни йўлга қўйиш масаласини диққат билан ўрганиб чиқишга тайёр эканини маълум қилди.
Мавзуга оид
08:22
Илк марта: самолёт ҳаракатланаётган поезд устига қўниб, яна осмонга кўтарилди
10:43 / 13.02.2026
Водий–Тошкент йўналишида қўшимча поезд рейслари йўлга қўйилди
11:00 / 28.01.2026
Россия армияси йўловчи поездига дрон билан зарба берди: ҳалок бўлганлар бор
15:21 / 26.01.2026