Skype Lite мобил иловаси намойиш этилди
Ҳиндистоннинг Мумбай шаҳрида бўлиб ўтаётган Future Decoded конференциясида Microsoft раҳбари Сатья Наделла Skype Lite мобил иловасини тақдим этди. У алоқа сифати паст бўлган минтақалар фойдаланувчилари учун мўлжалланган. Бу ҳақида TechCrunch портали хабар берди.
Манбага кўра, Android операцион тизими бошқарувидаги қурилмаларда ишловчи илова хабар алмашиш ва VoIP-телефон функцияларидан фойдаланиш имконини яратади. Компаниядан маълум қилишларича, Skype Lite иловаси 2G-тармоқлар учун махсус оптималлаштирилган.
Бугунги кунда Skype Lite фақат Ҳиндистонда ишга туширилган. Бошқа мамлакатларда қачон йўлга қўйилиши ҳозирча номаълум. Илова саккиз тилга таржима қилинган, у янгиликлардан хабар топиш ва ҳатто авиачипталар буюртма қилиш мумкин бўлган чат-ботларни қўллаб-қувватлайди.
Бундан ташқари, 2017 йилнинг июнида Microsoft корпорацияси Skype Lite'ни Aadhaar миллий тизими билан интеграция қилмоқчи. Aadhaar - ҳинд фуқароларининг биометрик маълумотлари сақланувчи тизим.
Компания вакилларининг маълум қилишича, бу турли вазиятларда номаълум абонентларни тез аниқлаш имконини беради.
Мавзуга оид
23:10 / 29.09.2024
Microsoft сунъий интеллектга асосланган скриншотларни яратиш воситасини қайта ишга туширади
00:48 / 26.09.2024
Google Еврокомиссияга Microsoftʼнинг рақобатга зид булутли амалиёти устидан шикоят киритди
20:38 / 18.09.2024
Microsoft ижтимоий тармоқларда Камала Ҳаррисни қоралашга қаратилган «Кремл ботлари» фаоллашганини аниқлади
12:47 / 24.07.2024