Нидерландия полициячилари 99 ёшли кампирнинг орзусини рўёбга чиқаришди. Кампирнинг орзуси эса антиқа бўлган: у ҳибсга олинишини истаган. Бу ҳақда Fox News телеканали хабар бермоқда.
Таъкидланишича, "ҳибсга олиниш" кекса аёл ўз ҳаётида қилиб кўрмоқчи бўлган ишлар рўйхатидаги охиргиларидан бири бўлган.
Буни амалга ошириш мақсадида аёлнинг жияни Анни полиция билан олдиндан келишиб олган: кекса аёл кишанларда полиция бўлимига олиб кетилган ва камерага қамалган.
Маълум қилинишича, аёл бундай "эътибордан" ўзида йўқ хурсанд бўлган.
Аввалроқ шунга ўхшаш воқеа АҚШда юз берганди: 102 ёшли кампирнинг орзусини рўёбга чиқариш учун уни ҳибсга олишга тўғри келган.
