Россия президенти Владимир Путин Қирғизистонга ташрифи вақтида президент Алмазбек Атамбаевдан кулранг тусли чопқир от совғага олган. Қирғизистон президентининг расмий фотосуратчиси Султон Досалиев ўзининг Facebook’даги саҳифасига Алмазбек Атамбаев ва Владимир Путин табиат фонида чиройли от билан биргаликда акс этган суратларни жойлаган ҳамда "Музокаралардан кейин...("Ала-Арча" қароргоҳи, 2017 йилнинг 28 феврали)" дея илова қилган.
Икки давлат раҳбарлари Путиннинг Марказий Осиёга турнеси давомида, Бишкекда 28 февраль куни учрашганди.
Манбанинг маълумотига кўра, совға қилинган арғумоқ қирғиз зотидан. Унинг лақаби, жинси ҳамда ёши ҳақида маълумот йўқ.
"Россия президентининг жониворларга бўлган муҳаббатини билган ҳолда, республика раҳбари меҳмонга от совға қилиш орқали уни қувонтиришга қарор қилган бўлиши мумкин", дейилган хабарда.
