Samsung Galaxy S8 ёки iPhone 8 - экспертлар тахмини

KGI Securities таҳлилчиси Мин-Чи Куо Samsung Galaxy S8 қурилмаси асосан янги iPhone модели релизи сабаб муваффақиятсизликка учрашини айтди. "9to5Mac" шу ҳақида хабар берди. 

Куо Galaxy S8 сотувлари ўтган йилги Galaxy S7 сотувларида қайд этилган рекорддан ўта олмайди. Экспертнинг сўзларига кўра, Samsung компаниясининг янги гаджетида "жалб қилувчи жиҳатлар" етишмайди, шу боис у OLED-дисплейли янги iPhone харидорларни кўпроқ ўзига тортишини тахмин қилди. 

Бундан аввал Samsung янги планшетларини намойиш этгани ва Galaxy S8 тақдимоти муддатини эълон қилгани ҳақида маълум бўлган эди. Унга кўра, янги флагман смартфони тақдимоти 2017 йилнинг 29 март куни бўлиб ўтади.