Boeing компанияси Норвегиянинг Norsk Titanium AS корхонаси самолёт қисмларини ишлаб чиқариш билан шуғулланишини маълум қилди. Ишлаб чиқариш жараёни Норвегияда бошланади. Жорий йил якунига қадар эса – Нью-Йорк штатининг Платтсбургидаги корхонада давом эттирилади.
Айни дамда Norsk ва Boeing технология тасдиқланишини кутмоқда: сертификатлаштириш АҚШ фуқаролик авиацияси федерал бошқармаси томонидан ўтказилади.
Маълумотларга кўра, Boeing Dreamliner’нинг баъзи бир қисмлари эса 3D-босма ёрдамида тайёрланади.
Янги технология Boeing Dreamliner 787 авиалайнерининг ҳар бирини қуриш жараёнида 2-3 миллион доллар атрофида маблағ иқтисод қилиш имконини беради.
