Мадриднинг «Реал» клуби ҳужумчиси Криштиану Роналду «Барселона»нинг учинчи голни киритишидан сўнг жуда қаттиқ ғазабланган, дея хабар бермоқда Marca.
Ҳисоб 2:2 бўлиб турганда, 92-дақиқада «Барселона» тезкор қарши ҳужум уюштирган ва якунда Лионель Месси аниқ зарба билан ўйинга нуқта қўйганди.
«Чалиб йиқитиш керак эди», — дея қичқирган Роналду голдан сўнг ўз шерикларига.
Эслатиб ўтамиз, ушбу ўйиндан кейин икки жамоа ҳисобида 75тадан очко мавжуд, бироқ мадридликлар битта ўйин кам ўтказишган.
