ОАВ: Путин ва Трамп бир ойдан кейин учрашиши мумкин
Россия ва АҚШ президентлари Владимир Путин ва Дональд Трамп бир ойдан кейин учрашишлари мумкин. Бу ҳақда икки мамлакатнинг давлат тузилмаларидаги манбаларга иқтибос келтирган ҳолда "Коммерсантъ" нашри хабар бермоқда.
Икки етакчининг учрашуви "катта йигирматалик"нинг июлда Гамбургда ўтадиган саммитидан олдин юз бериши мумкин. Манбалар маълумотларига кўра, айни вақтда Москва ва Вашингтон Путин ва Трампнинг Европа давлатларидан бирида май охирида учрашиш имконини муҳокама қилмоқда.
Таъкидланишича, Трамп 25-27 май кунлари Брюсселга НАТО саммитида ва Италиянинг Таормина шаҳрига G7 саммитида иштирок этиш учун бормоқчи. Бундан кейин у Путин билан учрашиши мумкин бўлган яна битта давлатга ташриф буюриши мумкин. Етакчиларнинг учрашиши масаласи АҚШ давлат котиби Рекс Тиллерсоннинг Москвага ташрифидан кейин батафсил ишлаб чиқилмоқда.
Бироқ Россия президенти матбуот котиби Дмитрий Песков бу ҳақдаги хабарларга изоҳ бериб, "Ҳозирча ҳеч нарса йўқ" деб жавоб берди.
Мавзуга оид
23:20 / 23.09.2024
Кремл Путиннинг янги ядровий ракеталари синови муваффақиятсиз кечганидан бехабар эканини маълум қилди
10:50 / 21.09.2024
Путин Шейнбаум инаугурациясида қатнашиш учун Мексикага бормайди
09:52 / 14.09.2024
ЕИ Путиннинг сўзларидан кейин Украина учун қурол бўйича ўз позициясини ўзгартирмади
18:00 / 13.09.2024