19 ёшли талаба iPhone'да “махфий” функцияни топди

АҚШнинг Техас штатида жойлашган Бэйлор университетининг 19 ёшли талабаси iPhone’да кўпчиликка номаълум бўлган функцияни аниқлади. Унинг Twitter’да эълон қилган лайфхаки ижтимоий тармоқларда машҳур бўлиб кетди – видео бир суткада 50 мингдан ортиқ ретвит ва лайк йиғди.

Ролик муаллифининг таъкидлашича, смартфон калькуляторида босилган рақамларни ўнгга ёки чапга “свайп” билан ўчириш жуда осон экан. Рақамларни биттама-битта ўчириб чиқиш мумкин.

Унинг BuzzFeed’га берган интервьюсида тан олишича, “махфий” функция ҳақида Reddit'да уч йил аввал эълон қилинган пост орқали хабар топган. Бироқ кўпчилик бу имконият ҳақида ҳозирга қадар билишмаганини айтди.

"Бир неча йилдан бери iPhone’га эгаман, ҳамда бундай қилиш мумкинлигини хаёлимга ҳам келтирмагандим", - дея ёзган фойдаланувчилардан бири.