Балки, сиз Bugatti Chiron энг қиммат машина деб ўйларсиз? Агар шундай фикрда бўлсангиз, янглишасиз. Қуйидаги автомобиллар шинасининг пулига ҳатто бир нечта автомобиль харид қилиш мумкин! Демак, танишинг, тарихдаги энг қиммат автомобиллар рўйхати.
Ferrari 250 LM
Ушбу модел Ле-Мандаги пойга, аниқроғи, ғалаба учун ишлаб чиқилган. У илк ўрта моторли Ferrari автомобилларидан бири ҳисобланади. 250 LM 1965 йилги 24 соатлик пойгада 1- ва 2-ўринларни эгаллаган. У ўшанда прототиплар йўналиши бўйича қатнашган, чунки GT таснифига кириш учун 100 дона шундай машина ишлаб чиқариш зарур бўлган. Ferrari бу автомобилдан атиги 32та ишлаб чиқарган. Суратдаги нусхаси 2015 йили 17 миллион 600 минг долларга сотилган.
Ferrari 250 GT LWB California Spider Competizione
Spider Competizione –Ferrari фирмаси ишлаб чиққан ноёб ва чиройли родстерларидан биридир. Ундан атиги 9 дона ишлаб чиқилган. Уларнинг ҳар бири пойгаларда ажойиб натижаларни кўрсатгани эътиборга олинса, қиймат кўтарила бошлайди. Суратдаги машинанинг юрган масофаси деярли пойгаларга тўғри келади. Шу билан бирга, турли кўргазмаларнинг мукофотларига эга. Нархи ҳам шунга яраша – 18 миллион 150 минг доллар.
Ferrari 375-Plus Spider Competizione
Энг қиммат машиналардан бири бўлган Ferrari 375-Plus Spider Competizione Mille Miglia пойгасида иштирок этиши учун махсус ишлаб чиқилган. Бироқ 1954 йилги мусобақада иккинчи ўринни олган. Шунга қарамай, ушбу машинанинг янги эгаси унинг учун 18,4 миллион долларнинг баҳридан воз кечган.
Ferrari 250 GT SWB California Spider
Қисқа асосли 250 GT SWB California Spider шундоқ ҳам ноёб автомобиллар сирасига киради. Ушбу қизил родстерни бемалол ўзига хос дейиш мумкин, чунки у Францияда деярли юрмаган ҳолда топилди. Унинг эгаси Роберт Бейллон ажойиб автомобилни шахсий музейида намойиш этган. Унинг вафотидан сўнг, музей қисқартирилган, машиналарнинг сезиларли қисми кимошди савдосига қўйилган эди. California 2015 йилда 18,5 млн доллар эвазига янги эгасининг мулкига айланди.
