АҚШдаги радиоактив материаллар сақланувчи йирик омборда тревога эълон қилинди

АҚШнинг Вашингтон штатидаги Ҳэнфорд комплекси — мамлакатдаги энг йирик радиоактив материаллар омборида туннелнинг ўпирилиши натижасида фавқулодда ҳолат эълон қилинди, деб хабар беради Ассошиэйтед Пресс агентлиги.

JUST IN: Emergency declared at Hanford Nuclear Reservation in Washington state, workers told to shelter in place https://t.co/W8rV55lnjA pic.twitter.com/2KzmWu6Br0
— BNO News (@BNONews) May 9, 2017

Тревога плутоний ишлаб чиқаришда ифлосланган чиқитлар юкланган вагонлар киритиб қўйилган туннел устидаги тупроқнинг чўкиши натижасида эълон қилинган.

Комплекс ходимлари қисман эвакуация қилинган. Ишчилардан пана жойларда бўлиш, ишончли шамоллатиш усулларидан фойдаланиш ҳамда сув ва таомларни истеъмол қилишдан тийилиб туришни сўрашган.

Штатнинг табиатни муҳофаза қилиш идораси вакили ҳодиса натижасида радиация сизиб чиқиш ҳолати қайд этилмаганини таъкидлаган.