Тошкент шаҳрининг Чилонзор тумани чорраҳаларига ўрнатилган камералар энг кўп қоидабузарликларни қайд этмоқда. Бу ҳақда Тошкент ИИББда бўлиб ўтган матбуот брифингида маълум қилинди. Шу билан бирга, энг кўп қоида бузилиш ҳолати айнан қайси кўчада эканига ҳам ойдинлик киритилди.
Шаҳар ички ишлар бош бошқармаси вакилининг айтишича, Бунёдкор шоҳ кўчасининг Кичик Халқа йўли кесишмасидаги (Чилонзор метроси) кўприкдан ўтишда ўрнатилган радар мосламаси энг кўп қоида бузилишини қайд этмоқда. Бу ерда ҳайдовчилар чекланган тезлик меъёрларига риоя қилишмайди.
