Британия ҲҲК қирувчи самолётлари тревога бўйича ҳавога кўтарилди

Фото: Flickr

Британия ҳарбий-ҳаво кучларининг иккита қирувчи самолёти Шотландиядаги ҳарбий-ҳаво кучлари базасидан тревога бўйича ҳавога кўтарилди. Бу ҳақда Reuters Британия ОАВга асосан хабар берди.

Ҳодиса ҳақида Sky News телеканали номи ошкор этилмаган манбага таяниб маълум қилган. Таъкидланишича, Британия мудофаа вазирлиги бу маълумотга ҳозирча изоҳ бермади.

Шу билан бирга, Daily Mail газетаси маълумотига кўра, қирувчи самолётлар Британия чегараларида Россия самолёти пайдо бўлгани туфайли ҳавога кўтарилган бўлиши мумкин.