Роналду солиқ идораларига 6 млн еврони ихтиёрий равишда тўлаб берди

Мадриднинг «Реал» клуби ҳужумчиси Криштиану Роналду ихтиёрий тарзда 6 миллион евро маблағни тўлаб берди. У Испания молия вазирлиги ва солиқ хизмати томонидан 15 млн. евролик солиқларни тўламаганликда айбланганди, деб хабар бермоқда Marca.

Роналду талаб этилаётган пулларни кўнгилли равишда тўлаб бериб, жиноий иш очилиши ва жиноий таъқибдан қутулиб қолиши мумкин. Акс ҳолда, футболчи йирик жаримага тортилади ва беш йилгача озодликдан маҳрум қилиниши эҳтимолга яқин.

Солиқ идораси маълумотига кўра, Роналду 2014 йилда имидж ҳуқуқларини сотишдан олинган даромадлардан солиқ тўламаган.