Путин 2018 йилги президентлик сайловлари ҳақидаги фикрларини билдирди

Россия президенти Владимир Путин 2018 йилги президентлик сайловларини Россия конституциясига қатъий амал қилинган ҳолда ўтказилишини таъминлаш учун барча ишни қилишини айтди ва ўзининг бу сайловларда иштирок этиши ҳақида гапиришга ҳали эрта эканлигини таъкидлаб ўтди.  

"Биласизки, охирги барча сайлов кампанияларимиз конституцияга қатъий риоя қилинган ҳолда, такрорлайман, қатъий риоя қилинган ҳолда ўтказилмоқда. Мен 2018 йилги сайлов кампаниясининг шундай тарзда, яна такрорлайман, қонун ва конституцияга амал қилинган ҳолда ўтказилишини таъминлаш учун барча ишни қиламан", деб айтган Путин Figaro француз нашрига берган интервьюсида. 

Унинг таъкидлашича, "бу ҳуқуқдан хабардор бўлган, тегишли, қонунда кўзда тутилган тартиботлардан ўтган барча одамлар, шубҳасиз, агар истасалар барча даражадаги: қонунчилик идоралари, парламент ва президентлик сайловларида иштирок этишлари мумкин".

Путиннинг айтишича, унинг сайловларда иштирок этиши ҳақида гапиришга ҳали эрта. "Номзодларга келсак, бу ҳақда гапиришга ҳали эрта", деб айтган Путин.

Россия президенти сайловлари 2018 йилда бўлиб ўтади. Ушбу сайловларда иштирок этиш истагини Владимир Жириновский, Алексей Навальний, Григория Явлинский билдирган.