Трамп ва Қатар амири ўртасида мулоқот бўлиб ўтди

Фото: AP

АҚШ президенти Дональд Трамп Қатар амири Тамим бин Ҳамад Ол Соний билан телефон орқали мулоқот қилди. Бу ҳақда ўз манбаларига иқтибос келтирган ҳолда Al Jazeera телеканали хабар берди.

Телеканал маълумотларига кўра, Трамп Форс кўрфази давлатларида юзага келган инқирозни ҳал қилишда ёрдам беришга тайёрлигини маълум қилган.

Бир кун аввал Россия президенти ҳам Ол Соний билан суҳбатлашганди. Суҳбат давомида Путин Россиянинг инқирозли вазиятларни сиёсий-дипломатик йўллар билан ҳал қилиш тарафдори эканлиги бўйича қатъий позициясини тасдиқлаган.

Тайёрлаган Шуҳрат Раҳимов

#Дональд Трамп #Қатар амири #Ол Соний

Форс кўрфазида жиддий сиёсий инқироз юзага келди. Саудия Арабистони, Миср, Баҳрайн, БАА, Яман, Ливия ва Мальдив бошқа бир араб давлати Қатар билан дипломатик алоқаларни узди. Бунга Қатар Эронни ва терроризмни қўллагани сабаб сифатида кўрсатилмоқда.