Сурия инсон ҳуқуқлари обсерваторияси ИШИД раҳбари ҳалок бўлганини тасдиқловчи маълумотга эга

Сурия инсон ҳуқуқлари обсерваторияси ИШИД раҳбари Абу Бакр ал-Бағдодийнинг ҳалок бўлганини “тасдиқловчи маълумот”га эга эканини хабар қилди. Бу ҳақда Reuters маълумот берди.

Мониторинг гуруҳи директори Роми Абдулраҳмоннинг хабар беришича, тасдиқлов ИШИДнинг Дайр-аз-Зордаги етакчисидан келган. Унинг сўзларига кўра, ИШИДдаги манбалар ал-Бағдодий ҳаётдан кўз юмганини айтишган, бироқ, бу айнан қачон юз берганига ойдинлик киритилмаган. Манбалар маълумотига кўра, ал-Бағдодий сўнгги уч ой Дайр-аз-Зорда бўлган.

Аввалроқ ОАВ ИШИД жангарилари ал-Бағдодий ҳалок бўлганини маълум қилишгани ҳақида хабар берди. Бироқ Пентагон ИШИД етакчиси ўлгани тўғрисидаги хабарни тасдиқлай олмаслигини маълум қилди.