Черногорияда камида 100 сайёҳ эвакуация қилинди

Черногориядаги соҳилбўйида ҳордиқ олаётган камида 100 нафар сайёҳ ёнғинлар туфайли хавфсиз жойга кўчирилди. Бу ҳақда Associated Press хабар бермоқда.

Таъкидланишича, кучли шамол сабаб олов Луштица ярим ороли бўйлаб тарқалди ва хонадонлар ҳамда дам олиш ҳудудларига қадар етган. Ҳукумат маълумотига кўра, кишиларни эвакуация қилиш учун флот ҳам жалб этилди.

Шунингдек, Адриатика денгизининг Хорватия қирғоғида ҳам ёнғинлар юз бергани ҳақида хабар берилган, у ерда ҳозирча турар-жой биноларига хатар йўқ.

Аввалроқ Канадада ўрмон ёнғинлари сабаб 37 мингга яқин инсон эвакуация қилингани хабар қилинганди.