Испанияда Сальвадор Далининг жасад қолдиқлари эксгумация қилинди

Испанияда машҳур рассом Сальвадор Далининг жасад қолдиқлари эксгумация (мурдани суд-медицина экспертизаси учун кавлаб олиш) қилинди. Бу биологик материални олиш ва оталикка тест ўтказиш мақсадида рўй берди, деб хабар қилмоқда Associated Press.

Рассомнинг қабрини очиш бўйича ишлар Фигарес шаҳридаги Дали театр-музейи ҳудудида амалга ошди.

«Суд-тиббий экспертлари Сальвадор Далининг қабрини очиб, ДНК намуналарини олишди. Энди суд жараёни доирасида оталикка тест ўтказилади», - деб ёзади нашр.

Далининг қизи сифатида ҳисобланиш, шунингдек, унинг меросига фолбин аёл Пилар Абель даъвогарлик қилмоқда. Унинг иддао этишича, онаси Антониа Мартинез де Аро рассом билан 1955 йилда бирга бўлган.

Эслатиб ўтамиз, буюк рассом 1989 йилда 85 ёшида оламдан кўз юмган.

Аввалроқ Сальвадор Далининг жасад қолдиқлари 20 июль куни эксгумация қилиниши хабар берилганди.