Паркентда ёзувчи ва шоирлар учун уйлар қуриб берилади

Шавкат Мирзиёевнинг Тошкент вилоятига ташрифи давомида Паркентсой сувидан унумли фойдаланиш лойиҳаси тақдим қилинди.

ЎзА хабарига кўра, президентга Паркент шаҳрининг бош режаси ҳақида сўзлаб берилган.

Бундан ташқари, Паркентнинг экологик тоза ҳудудларида дам олиш ва соғломлаштириш масканларини жойлаштириш бўйича таклифлар берилди. Қурилаётган дам олиш зоналари энергиятежамкор бинолардан иборат бўлади.

Президент Паркентнинг энг сўлим жойида ёзувчи ва шоирлар учун 50та уй қуриб бериш кераклигини таъкидлаган.

«Паркентнинг энг сўлим жойида ёзувчи ва шоирлар учун 50 та уй қуриб бериш керак, деди. Улар ижод қилиши учун шароит яратиш зарур», деган президент.

Ёзувчилар олдига эса янги асарлар ёзиш, етук шогирдлар етиштириш каби вазифалар қўйилган.