Афғонистон бош вазири ўринбосарининг уйи ёнидаги кучли портлашда 20 дан ортиқ инсон ҳалок бўлди

Афғонистон пойтахти Кобул шаҳрида худкуш террорчининг Афғонистон бош вазири иккинчи ўринбосари Муҳаммад Муҳақиқнинг уйи ёнида ўзини ўзи портлатиб юбориши натижасида 20 дан ортиқ инсон ҳалок бўлди. Бу ҳақда TOLONews телеканали твиттерда хабар қилган.

Pajhwok агентлиги маълумотларига кўра, портлаш туфайли яна 22 киши жароҳат олган.

Аввалроқ Афғонистон бош вазири ўринбосарининг уйи ёнида кучли портлаш юз бергани хабар қилинганди.